புகையும் செல்கள்

அழகு செல்கள் கலை  இழக்கின்றன ,

உதடு செல்கள்  உயிர் இழக்கின்றன ,

சுவாச செல்கள்   சுகம் இழக்கின்றன ,

எதனையும் அறியாமல்  போதை  மயக்கத்தில்

மூளை  செல்கள்.

கரிக்கலன்களாக மாறி  போன 

நுரையீரல் நுண்அறையில் ஆவலுடன்  தேடுகிறது

இரத்த சிவப்பணுக்கள்

ஆக்ஸிஜன்  அணுக்களை .

 தினமும் சிதைக்கப்படும்  செல்கள்,

 இறுதியில் போராட்டத்தில்  இறங்குகின்றன

 அளவுக்கு அதிகமான செல்களை  உருவாக்கி!!!

போராடும்  செல்கள்தான் புற்று நோய் – என்று,

அறியாமல்  உயிரின் அழிவில்,

சாம்பல்  புகையின்  சுகத்தில்,

சில ஆறறிவு  உயிர்கள்.

புதிய தலைமுறை

புதியதை வரவேற்கும் புதிய தலைமுறை-அதன்,

தன்மையை ஆராயும் புத்தி கூர்மை-இல்லை.

வித்தியாசமாக இருந்தால் போதும்,

விபரீதமாக இருந்தாலும் சரி,

ஆசை தீர அனுபவித்து,

அறிவை மழுங்கச் செய்து ,

ஆடும் அரைக் குடங்கள்.

சமுதாயத்தை சீர்குலைக்கும்-எல்லை

தாண்டிய தனி மனித சுதந்திரம்.

அவசியமானதை அலட்சியப்படுத்தும்,

உருதெரியாமல் உருகுலையும்,

சீர்கெட்ட சுயமரியாதை.

சினிமா,கார்பரேட் நிறுவனம்,போன்ற,

பொம்மலாட்ட கலைஞர்களின் கையில் கிடைத்த, 

பொம்மைகளாக புதிய தலைமுறை.

வருங்கால சமுதாயம் காட்சியளிக்கிறது,

கடற்கரை மணல் சிற்பங்களாக.